Өңірлік прокуратураның мәліметінше, қайғылы оқиғалар Қордай ауданының Қаракемер ауылында болған. Тергеу барысында жергілікті мектептерде «Система» (Жүйе) деп аталатын бейресми жастар тобы әрекет еткені анықталды. Бұл топтың ішінде өзіндік иерархия, бағынудың қатаң ережелері мен жазалау жүйесі болған.
Құқық қорғау органдары топ мүшелерінің тарапынан болған жүйелі түрде қорқытып ақша алу фактілері мен үш кәмелетке толмаған баланың қайғылы қазасы арасындағы тікелей себеп-салдарлық байланысты анықтады.
Тергеу аясында екі негізгі күдіктіге қорқытып ақша алу және өзін-өзі өлтіруге дейін жеткізу баптары бойынша айып тағылды, қазіргі уақытта олар қамауда отыр. Тағы бес фигурантқа қорқытып ақша алу айыбы тағылуда. «Система» бейресми құрылымының қызметі ресми түрде жойылды.
