Құқық қорғау органдары анықтағандай, күдікті 2024 жылдан бері мессенджерде бірнеше топқа әкімшілік еткен. Бұған дейін сот оның кейбір аудиожазбаларын экстремистік материалдар деп таныған болатын. Сонымен қатар, тергеу барысында фигуранттың 2024–2025 жылдары өз жақтастарынан 60 миллион теңгеден астам қаражат алғаны белгілі болды.
11 қарашада күдікті Алматы қаласында ұсталды. Осыдан кейін жедел уәкілдер оңтүстік астана мен Жамбыл облысының аумағында тінту жұмыстарын жүргізді. Тергеу іс-шараларының нәтижесінде экстремистік идеология белгілері бар діни әдебиеттер мен қолжазбалар тәркіленді.
Қазіргі уақытта ұсталған азамат уақытша ұстау изоляторына қамалды. Полиция құқық бұзушылыққа және радикалды әрекеттерге қатысы бар басқа да тұлғалар мен ықтимал сыбайластарды анықтау үшін тергеуді жалғастыруда.
