Оқиға Миссисипи өзенінде болған. Қақтығыс кезінде круиздік лайнер бортында 180-ге жуық адам болған. Соққыдан көп палубалы кеме қисайып, суға толып, іле-шала аударылып кеткен.
Оқиға салдарынан 32 адам ауруханаға жеткізілді. Жергілікті биліктің мәліметінше, ешкім ауыр жарақат алмаған. Жақын маңдағы кеме экипаждарының көмегі мен жедел әрекеттердің арқасында барлық жолаушылар мен экипаж мүшелері судан аман-есен шығарылды. Қаза тапқандар мен із-түссіз жоғалғандар жоқ. Куәгерлер әлеуметтік желілерде құтқару кеудешесін киген адамдардың суға батып бара жатқан кемеден жанұшыра қашып жатқан кадрларын жариялауда.
Алдын ала болжам бойынша, апатқа танкердің рөлдік басқару жүйесіндегі ақау себеп болуы мүмкін. Қақтығыстың нақты мән-жайын АҚШ Ұлттық көлік қауіпсіздігі кеңесінің (NTSB) мамандары тергеуде. Тергеу іс-шаралары кезінде Миссисипи өзенінің осы бөлігінде кемелер қозғалысына уақытша шектеу қойылды.
