Оқиға орнынан түсірілген кадрлар мен өрт туралы ақпарат алғашында әлеуметтік желілерде тарады. Куәгерлер оқиғаның мән-жайын анықтау үшін шұғыл қызметтер мен бейінді ведомство қызметкерлерінің жұмыс істеп жатқанын хабарлаған.
Кейінірек ҚР Төтенше жағдайлар министрлігі бұл ақпаратты ресми түрде растап, өрттің жалпы аумағы 23 шаршы метрді құрағанын нақтылады. Оқиға орнына келіп жеткен өрт сөндірушілер темір құрылымдардағы жалынды тез арада сөндірді. Ведомствоның мәліметінше, қаза тапқандар мен зардап шеккендер жоқ.
ТЖМ азаматтар мен құрылыс мекемелеріне өрт қауіпсіздігі ережелерін қатаң сақтау қажеттігін тағы да еске салды. Құтқарушылар аумақты жанғыш заттармен үймеуге және ешқандай жағдайда ашық отты қараусыз қалдырмауға шақырады.
😀
0
😍0
😢0
😡0
👍0
👎0
