ҚТЖ баспасөз қызметі тергеу органдарымен қажетті өзара іс-қимылды қамтамасыз етіп, сұратылған барлық ақпарат пен материалдарды Қазақстан заңнамасына сәйкес ұсынып отырғанын жеткізді.
Бұл ретте компания өкілдері бұған дейін көпшілікке жарияланған ақпараттан басқа істің мән-жайы туралы қосымша мәліметтерге ие емес екенін атап өтті. ҚР Қылмыстық-процестік кодексінің 201-бабына сілтеме жасай отырып, ұлттық компания сотқа дейінгі тергеу деректерінің жария етуге жатпайтынын, сол себепті қазіргі кезеңде қосымша түсініктеме беру мүмкін еместігін түсіндірді.
Сонымен қатар, ҚТЖ басшылығы кәсіпорынның қалыпты режимде жұмысын жалғастырып жатқанына сендірді. Инвесторлар, кредиторлар, халықаралық қаржы институттары және іскер серіктестер алдындағы барлық міндеттемелер сақталады және қолданыстағы келісімдердің шарттарына сәйкес толық көлемде орындалатын болады.
