Оқиға елордадағы Шәкен Бейсекова көшесінің бойындағы көпір маңында болған. 20 жастағы қыз көпірден өзенге секіріп кеткен.
Хабар түскен бойда оқиға орнына Төтенше жағдайлар министрлігінің құтқарушылары жеткен. Олар қайықпен қызға жақындап, судан шығарып, жағаға алып келген.
Құтқарылған қыз жедел жәрдем бригадасына тапсырылған.
Құтқарушылардың дер кезінде көмекке келуі қайғылы жағдайдың алдын алды.
Әзірге қыздың неліктен мұндай әрекетке барғаны белгісіз. Оның қазіргі жағдайы мен ауруханаға жеткізілгені туралы мәлімет жоқ.










