Қаржылық мониторинг агенттігінің (ҚМА) мәліметінше, заңсыз схема 2021 жылдан бері жұмыс істеп келген. Комиссиялық сауда желеуімен бақылауындағы компаниялар мен жеке кәсіпкерлер арқылы ұйымдастырушы клиенттермен жалған мәмілелер мен кепіл билеттерін рәсімдеп, іс жүзінде жоғары пайызбен ақша беріп отырған.
Қарыздар күніне 0,25%-ға дейінгі сыйақымен 30 күн мерзімге берілді. Төлем мерзімі өткен жағдайда клиенттерге қосымша айыппұлдар есептелді. Ал қарызды төлеу мүмкін болмаған жағдайда олардың кепілдегі мүлкі сатылып кеткен.
Ықтимал тәркілеуді қамтамасыз ету мақсатында сот күдіктінің мүлкін: екі пәтерін, үш автокөлігін және екі кеңсе үй-жайын бұғаттауға санкция берді. Қазіргі уақытта қылмыстық іс материалдары одан әрі қарау үшін сотқа жолданды.










