Бұл мәліметтер «Әділет» партиясының депутаты Айжан Найымбекованың сауалына жауап ретінде айтылды. Ол жас ерекшелігіне байланысты басынан өткен жағдайды ересектерге түсіндіріп бере алмайтын кішкентай балаларға жасалған зорлық-зомбылықты анықтау мәселесін көтерді. Депутат тәрбиешілер мен психологтардың зорлық-зомбылық белгілерін қалай анықтайтынын және бірыңғай бақылау құралдарының неліктен әлі күнге дейін тек ұсынымдық сипатта екенін түсіндіруді талап етті.
Оқу-ағарту министрінің айтуынша, 2024 жылдан 2026 жылға дейінгі аралықта тіркелген 42 жағдайдың 37-сі жекеменшік балабақшаларда болған, оның ішінде 36 эпизодта тәрбиешілердің өздері кінәлі деп танылған.
Жұлдыз Сүлейменова 2026 жылдың маусым айында мұндай жағдайларға ден қоюдың ведомствоаралық алгоритмі бекітілгенін мәлімдеді. Заң бұзушылықтарға тиісті деңгейде назар аудармағаны үшін 71 адамға айыппұл салынып, 135 балабақша басшысы әкімшілік жауапкершілікке тартылды.










