Ішкі істер министрлігінің хабарлауынша, енді жүргізушілікке үміткерлер алғашқы сәтсіз әрекеттен кейін емтиханды келесі жұмыс күні-ақ қайта тапсыра алады. Екінші рет құлаған жағдайда 10 күн күтуге тура келеді. Алғашқы үш әрекет тегін, төртіншісінен бастап ақылы болады, ал тапсыру санына шектеу жоқ. Сәтті тапсырылған теория нәтижесі бір жыл бойы жарамды, егер «практикадан» өтпесе, теорияны қайта тапсырудың қажеті жоқ.
Тәртіпке ерекше назар аударылған: ЖҚЕ бойынша емтиханда шпаргалка немесе телефон қолданған кандидат бір жылға емтихан тапсыру құқығынан айырылады. Нәтижемен келіспеген жағдайда полиция, автомектеп және Мамандандырылған ХҚКО өкілдерінің қатысуымен арнайы комиссияға апелляция беру қарастырылған.
Көліктерді тіркеуде де айтарлықтай өзгерістер бар. Енді көлікті қайта ресімдеу кезінде ЖҚЕ бұзғаны үшін төленбеген айыппұлдар тексерілмейді (бірақ іздеу мен тыйым салуды тексеру сақталады). Құжаттардағы қателерді түзетуге өтініш берушілерге бір жарым сағат беріледі, арнайы нөмірлерге тапсырыс беру небәрі бір сағатты алады, ал қайта жабдықталған автокөліктер үшін қауіпсіздік сертификаты болған жағдайда жеке міндетті тексеру жойылды. ІІМ бұл жаңашылдықтар азаматтардың уақытын үнемдеуге және мемлекеттік қызметтерді жеңілдетуге бағытталғанын атап өтті.










