Айбек Дәдебай сайлау қорытындысына қатысты пікір білдіріп, азаматтарға көрсеткен сенімі мен қолдауы үшін алғыс айтты.
Оның айтуынша, сайлауалды науқан барысында еліміздің әр өңірін аралап, тұрғындармен кездесулер өткізіліп, олардың ұсыныс-пікірлері тыңдалған.
«Сайлауалды науқан кезінде еліміздің әр өңірін аралап, талай азаматпен жүздестік. Әр кездесуде халықтың мұң-мұқтажын, ойы мен ұсынысын өз аузынан естідік. Айтылған әр пікір біз үшін маңызды және олардың барлығы алдағы жұмысымызда ескеріледі.
Бұл сайлау ашық, әділ әрі айқын өтті. Саяси партиялар арасында шынайы бәсекелестік болды. Сіздердің сенімдеріңіз – біз үшін үлкен жауапкершілік. Халықтың үмітін ақтау үшін аянбай еңбек етеміз. Бізге сеніп, «Әділет» партиясын қолдаған әр азаматқа шын жүректен алғыс айтамыз!», – деді Айбек Дәдебай.
