Бүгін Қазақстанда жаңа бір палаталы Құрылтай депутаттарының сайлауы алғаш рет өтіп жатыр. Дания Еспаева конституциялық құқығын пайдаланып, сайлау учаскесінде дауыс берді.
Сайлауалды науқан кезінде «Ақ жол» партиясының кандидаттары мен белсенділері өңір тұрғындарымен, еңбек ұжымдарымен, кәсіпкерлермен, жастармен және қоғамдық ұйымдардың өкілдерімен кездесті. Жиындарда партия бағдарламасы таныстырылып, ел дамуына қатысты өзекті мәселелер талқыланды.
– Бұл науқан партиямызға азаматтармен тікелей сөйлесіп, олардың ұсыныстарын тыңдауға және нақты шешімдер ұсынуға мүмкіндік берді. Жұмыс еліміздің барлық өңірін қамтыды. Бүгін үлкен командалық еңбектің нәтижесін көріп отырмыз, – деді Дания Еспаева.
Ол сайлауалды науқанға атсалысқан кандидаттарға, белсенділерге, еріктілер мен партия жақтастарына алғыс айтты.
«Ақ жол» партиясының өкілдері қазақстандықтарды сайлау учаскелеріне келіп, дауыс беру құқығын пайдалануға шақырды.
