Ақорданың баспасөз қызметінің мәліметінше, Александр Вучич Қазақстанда жүргізіліп жатқан саяси реформаларды азаматтардың жоғары деңгейде қолдайтынын атап өтті.
Қасым-Жомарт Тоқаев сербиялық әріптесіне құттықтауы үшін алғыс айтып, елдегі саяси өзгерістер туралы баяндады. Ол Қазақстанның саяси жүйесін ауқымды реформалаудың тарихи маңызын атап өтті.
Мемлекет басшылары Қазақстан мен Сербия арасындағы қарым-қатынастардың қазіргі жағдайы мен даму перспективаларын да талқылады. Тараптар екіжақты ынтымақтастықтың тұрақты дамып келе жатқанын атап өтіп, іскерлік байланыстарды одан әрі нығайтуға мүдделі екенін білдірді.
Сондай-ақ энергетика, көлік-логистика, ауыл шаруашылығы және цифрландыру салаларындағы бірлескен инвестициялық жобаларды ілгерілету мәселесіне ерекше назар аударылды.
