Бірінші сетте есеп 1:4 болып тұрған кезде, небәрі 29 минуттан кейін кездесу доғарылды. Рыбакина өз добын ойынға қосқаннан кейін бірден матчты жалғастырудан бас тартты. Мамандардың алдын ала болжамы бойынша, бұған ахилл сіңірінің жарақаты себеп болуы мүмкін.
Бұл отандық теннисшінің соңғы сегіз күн ішінде Ига Швентектен екінші рет жеңіліс табуы. Осыған дейін, 13 тамыз күні польшалық спортшы Торонтодағы турнирдің финалында да қазақстандықтан басым түскен еді. Айта кетерлігі, жарақат алғанға дейін Цинциннати кортында Елена Рыбакина тамаша ойын өрнегін көрсетіп, Тейлор Таунсендті, Магдалена Френхті және Диана Шнайдерді тізе бүктірген болатын.
Күтпеген жарақат қазақстандық спортшыны тарихи мүмкіндігінен айырды. Елена Рыбакинаға әлемдік рейтингті бастап, бірінші ракетка атануы үшін небәрі екі жеңіс қана жетпей тұрған еді.
