Қайғылы жағдай астаналық тұрғын үй кешендерінің бірінде болған. Биіктен құлап, ауыр жарақат алған бойжеткен жедел жәрдем жеткенше оқиға орнында көз жұмды.
Әлеуметтік желілерде куәгерлер оқиғаның кейбір мән-жайын жазуда. Олардың сөзіне сүйенсек, қыз сол маңда тұрған тамақ жеткізушінің байкының үстіне түскен. Ер адам физикалық тұрғыда зардап шекпегенімен, көрген сұмдықтан қатты шок күйінде болған.
Астана қалалық Полиция департаменті аталған фактіні ресми түрде растады. Қазіргі уақытта құқық қорғау органдары қылмыстық іс қозғады. Тергеушілер өлімге нақты не себеп болғанын — жазатайым оқиға, суицид немесе қылмыстық әрекет екенін анықтауы тиіс.
Қайғылы оқиғаның барлық мән-жайы мен себептері тергелуде.
