Ішкі істер министрлігінде Есірткі қылмысына қарсы іс-қимыл комитетінің төрағасы ресми түрде ауысты. Үстінен сот процесі жүріп жатқан Данияр Мейірханның орнына Абай Жүсіпов келді.
Комитеттің жаңа басшысы ішкі істер органдарында 20 жылдан астам уақыт қызмет етіп келеді. Бұл тағайындауға дейін ол Солтүстік Қазақстан облысының Полиция департаментін басқарған.
Еске сала кетейік, Данияр Мейірхан 2026 жылдың көктемінде комитет қызметкерлерінің шағымынан кейін туындаған жанжалдан соң қызметінен шеттетілген болатын. Кейінірек оған қатысты қылмыстық іс қозғалып, қазіргі уақытта ол Астана қаласының қылмыстық істер жөніндегі ауданаралық сотында жабық режимде қаралып жатыр. Мейірханның қорғаушылары тағылған айыптардың негізсіз екенін және қылмыстық қудалау оның кәсіби қызметімен байланысты екенін мәлімдеуде.
Бұған дейін Мейірханның адвокаты тиісу (домогательство) айыптарына қатысты эпизодтардың бірі бойынша қылмыстық қудалау тоқтатылғанын айтқан еді. Дегенмен, сот процесі әлі жалғасуда.
Бұл атышулы істің соңы немен аяқталады? Құқық қорғау органдарындағы басты жаңалықтар мен сот процестерінің барысын SHYNDYK.KZ порталынан оқыңыз.
