Қазақстан Президенті Қасым-Жомарт Тоқаев Вьетнам Коммунистік партиясы Орталық комитетінің Бас хатшысы, ел президенті То Ламды Вьетнамның Тәуелсіздік күнімен құттықтады, деп хабарлайды SHYNDYK.KZ.
Мемлекет басшысы бұл мереке Вьетнам халқының ұлттық бірлігін, жасампаздық рухын және елдің тұрақты дамып, өркендеуге ұмтылысын білдіретінін атап өтті.
Президент екі елдің бірлескен күш-жігерінің арқасында стратегиялық серіктестік одан әрі нығая беретініне сенім білдірді.
Қасым-Жомарт Тоқаев То Ламның жауапты қызметіне толайым табыс, ал Вьетнам халқына құт-береке тіледі.
