Президент Қасым-Жомарт Тоқаев 2025 жылы Қазақстанда 13 мың шақырым автомобиль жолы салынып, жөндеуден өткенін және оның 6 мың шақырымы пайдалануға берілгенін мәлімдеді, деп хабарлайды SHYNDYK.KZ.
«Былтыр 13 мың шақырым жол салынып, жөнделді, оның 6 мың шақырымы пайдалануға берілді», – деді Мемлекет басшысы.
Президенттің сөзінше, елімізде көлік инфрақұрылымын ауқымды жаңғырту жұмыстары жалғасып жатыр. Ол сондай-ақ 2027 жылға қарай Тәуелсіздік жылдарында алғаш рет мемлекеттік шекарадағы автомобиль өткізу бекеттері толық реконструкцияланатынын жеткізді. Бұған қоса, қазіргі таңда Қазақстанның барлық өңірінде жол жөндеу жұмыстары жүргізіліп жатыр.
