Оқиға болған кезде полиция қызметкері еңбек демалысында жүрген. Ол алған дене жарақаттарынан көз жұмды.
Бейресми мәлімет бойынша, марқұмның денесі жеке үйдің ауласындағы гараждан табылған.
Полиция іздеудегі азаматтың бұған дейін отбасылық-тұрмыстық қатынастар саласындағы құқық бұзушылықтары үшін бірнеше рет әкімшілік жауапкершілікке тартылғанын хабарлады. Оған қатысты хаттамаларды қаза тапқан учаскелік инспектор толтырған. Сондай-ақ ер адамға қорғау нұсқамалары шығарылған.
Оқиғаға байланысты қылмыстық іс қозғалды. Мән-жайлар анықталып жатыр, тергеу жалғасуда.
