Непалда болған жойқын су тасқыны салдарынан тұрғын үйлер, жолдар және басқа да инфрақұрылым нысандары айтарлықтай зақымданды. Алдын ала есеп бойынша, келтірілген шығын көлемі 2,56 млрд доллардан асты.
Табиғи апаттан кейін шамамен 20 мың үйді қалпына келтіру қажет. Олардың кемінде 7,5 мыңы толығымен қираған.
Алғашқы төрт айдағы қалпына келтіру жұмыстарына шамамен 52,6 млн доллар қажет болады. Қаражат жолдарды жөндеуге, уақытша баспаналар салуға, сондай-ақ халықты ауыз су және электр энергиясымен қамтамасыз етуді қалпына келтіруге жұмсалмақ.
Апаттың салдарынан адам шығыны да көп болды. Қаза тапқандар саны 1,2 мыңнан асты, тағы 4,2 мыңнан астам адам хабар-ошарсыз кеткендер қатарында.
Құтқару және іздеу жұмыстары жалғасып жатыр.
