Оның айтуынша, мұндай шешімге басылымның қаржылық жағдайы себеп болған. Алты жыл ішінде салынған инвестицияны қорытындылаған Ғаниев жобаның жұмсалған қаражатты қайтара алмайтыны және елеулі шығыннан шыға алмайтыны туралы тұжырымға келген.
Құрылтайшы Orda.kz басылымын ең алдымен бизнес-жоба ретінде қарастырғанын атап өтті. Ашық жарнамалық келісімшарттардан түскен табыс редакцияның күнделікті жұмысын қамтамасыз етуге мүмкіндік бергенімен, бірнеше жыл бойы салынған инвестицияны қайтаруға жеткіліксіз болған.
Ғаниев медиаресурсты саяси ойындарға, жалған ақпарат таратуға немесе үшінші тұлғаларға қысым көрсетуге пайдаланғысы келмейтінін де мәлімдеді. Оның сөзінше, мұндай жұмыс форматы жеке мақсаттарына сай келмейді.
Ол Анна Платонова мен редакция қызметкерлеріне атқарған жұмыстары үшін алғыс айтты. Команданың барлық мүшесіне тиесілі қаражат толық көлемде төленетіні хабарланды.
Редакция серіктестер мен өзге тараптар алдындағы міндеттемелерін де орындауға ниетті. Мәлімдемеде портал жұмысының нақты қай күні тоқтайтыны көрсетілмеген.
Жоба жабылғаннан кейін Мақсат Ғаниев негізгі қызметіне оралуды жоспарлап отыр. Ол бұдан былай бұқаралық ақпарат құралдарына инвестиция салмайтынын айтты.
