Президенттің айтуынша, өскелең ұрпақтың психологиялық саулығы мен эмоциялық тұрақтылығы айрықша мәнге ие болып, ұлттық қауіпсіздіктің маңызды факторына айналып келеді.
Қазір Парламенттің қарауында 16 жасқа толмаған пайдаланушылардың әлеуметтік желілерде тіркелуіне тыйым салуды көздейтін заң жобасы бар. Қасым-Жомарт Тоқаев бұл бастаманы Құрылтайдың алғашқы сессиясының ашылуында депутаттарға қарауды ұсынатынын мәлімдеді.
Әзірге бұл тек заңнамалық ұсыныс. Тыйымның түпкілікті шарттары мен оны жүзеге асыру тетігі құжатты қарау барысында айқындалады.
Сонымен бірге Мемлекет басшысы Үкіметке балаларға қолжетімді цифрлық контентті сүзгілеуді күшейтуді тапсырды. Бұл шаралар кәмелетке толмағандарды зиянды және ықтимал қауіпті ақпараттан қорғауға бағытталады.
Балаларға арналған міндетті SIM-карталарды қолдану аясын кеңейту де көзделіп отыр. Оларды жаппай енгізу балалардың цифрлық ортадағы қауіпсіздігін арттыруға мүмкіндік береді.
