Мемлекет басшысы Майя Санду мен Молдова халқын ұлттық мерекемен құттықтап, ел үшін маңызды тарихи датаның мәніне тоқталды.
Молдова Тәуелсіздік күнін жыл сайын 27 тамызда атап өтеді. Moldpres мәліметінше, 1991 жылы дәл осы күні ел парламенті Тәуелсіздік декларациясын қабылдаған. Биыл Молдованың тәуелсіздігін жариялағанына 35 жыл толып отыр.
Бұл мереке Молдованың мемлекеттілігі мен дербес даму жолын айқындайтын маңызды даталардың бірі саналады. Елде осы күнге орай мерейтойлық іс-шаралар ұйымдастырылды.
Құттықтау жеделхатында Қасым-Жомарт Тоқаев Қазақстанның екіжақты ынтымақтастықты одан әрі дамытуға және нығайтуға мүдделі екенін атап өтті. Осылайша, Мемлекет басшысы Қазақстан мен Молдова арасындағы өзара іс-қимылды жалғастырудың маңызына назар аударды.
Қасым-Жомарт Тоқаев Майя Сандуға жауапты қызметінде табыс, ал Молдова халқына бейбітшілік, бақ-береке және өркендеу тіледі.
