Мемлекет басшысы Пәкістан президенті Асиф Али Зардари мен премьер-министрі Шахбаз Шарифті Тәуелсіздік күнімен құттықтады.
Қасым-Жомарт Тоқаев өз жеделхаттарында Пәкістанның мемлекетті дамытудағы жетістіктерін атап өтіп, Қазақстанның ынтымақтастықты одан әрі кеңейтуге мүдделі екенін растады. Бұл ретте екіжақты қатынастарды нығайтумен қатар, халықаралық күн тәртібіндегі мәселелер бойынша өзара іс-қимылды арттыру туралы сөз болып отыр.
Президент Шахбаз Шарифтің Астанаға жоспарланған мемлекеттік сапарына да жеке тоқталды. Оның пікірінше, алдағы кездесу қазақ-пәкістан қатынастарына тың серпін беріп, бірлескен жұмыстың жаңа бағыттарын ашуға ықпал етеді.
Сөз соңында Қасым-Жомарт Тоқаев Пәкістан басшыларының қызметіне табыс, ал ел халқына құт-береке мен өркендеу тіледі.
