Президент Қасым-Жомарт Тоқаев Қызылорда – Сексеуіл, Ұлғайсын – Сексеуіл және Бейнеу – Сексеуіл автомобиль жолдары құрылысының басталуына арналған телекөпірде сөз сөйледі, деп хабарлайды SHYNDYK.KZ.
Мемлекет басшысы бұл жобалардың еліміз үшін стратегиялық маңызы зор екенін айтып, көлік инфрақұрылымын дамыту мемлекеттік саясаттың басты бағыттарының бірі болып қала беретінін баса айтты.
«Біздің мақсатымыз – Қазақстанның Еуразиядағы негізгі транзиттік хаб ретіндегі мәртебесін нығайту», – деді Президент.
Қасым-Жомарт Тоқаевтың сөзінше, мұндай ірі инфрақұрылымдық жобаларды жүзеге асыру Қазақстанның транзиттік әлеуетін арттырып, Еуропа мен Азияны жалғайтын маңызды көлік дәлізі ретіндегі рөлін бекемдеуге мүмкіндік береді.
