Қазақстан Президенті Қасым-Жомарт Тоқаев Виктор Хильниченконың кәсіби және қоғамдық қызметіне жоғары баға берді. Мемлекет басшысы оның қатардағы агрономнан бастап «Хильниченко и К» ауыл шаруашылығы кәсіпорнының басшысына дейінгі еңбек жолына, сондай-ақ Алматы облыстық мәслихатының депутаты ретінде атқарған жұмысына ерекше тоқталды.
«Сіздің өңірдің агроөнеркәсіптік әлеуетін дамытуға қосқан үлесіңізді баға жетпес», – деді Қасым-Жомарт Тоқаев.
Кездесу соңында Президент Қазақстанның ауқымды жаңғырту жолына түскенін атап өтті. Сондай-ақ ол алдағы Құрылтай сайлауының маңыздылығына тоқталып, оны ел өміріндегі басты оқиғалардың бірі ретінде атады.
Мемлекет басшысы барлық қазақстандықтарды бірлікті сақтауға және бар тәжірибе мен жігерді мемлекетті өркендетуге жұмсауға шақырды.
