Астанадағы Тәуелсіздік сарайында тоғыз шет мемлекеттің төтенше және өкілетті елшілерінің Қазақстан Президентіне сенім грамоталарын тапсыру рәсімі өтті, деп хабарлайды SHYNDYK.KZ.
Қасым-Жомарт Тоқаевқа Молдова Республикасының елшісі Игорь Молдован, Вьетнам Социалистік Республикасының елшісі Нгуен Тхань Ле, Корея Республикасының елшісі Чжон Ки Хон, Оңтүстік Африка Республикасының елшісі Лунгисани Доминик Нтомбелла және Словак Республикасының елшісі Любомир Регак сенім грамоталарын табыстады.
Сондай-ақ, Мемлекет басшысына Германия Федеративтік Республикасының елшісі Хайке Ренате Пайч, Әзербайжан Республикасының елшісі Алимирзамин Аскеров, Словения Республикасының елшісі Бранко Раковец және Намибия Республикасының елшісі Моника Ндилявике ресми құжаттарын тапсырды.
