Астана – Теміртау тасжолында жасанды интеллект элементтері бар камералар бірнеше жол-көлік оқиғасын тіркеді.
Бейнежазбалардан жүргізушілер жолдағы жағдайға дер кезінде әрекет етпей, алдарындағы көліктерге тежегішті іс жүзінде баспай соғылғаны көрінеді. Оқиғаларға шаршау, ұйқышылдық немесе көлік жүргізу кезінде смартфонға алаңдау себеп болуы мүмкін.
«ҚазАвтоЖолдың» мәліметінше, тіркелген жол апаттарынан қаза тапқандар жоқ. Оқиғалардың нақты себептері мен мән-жайлары анықталып жатыр.
Компания жүргізушілерді көлік басқару кезінде смартфон қолданбауға және ұйқышылдық сезілсе, жолды жалғастырмауға шақырды. Шаршаған жағдайда көлікті қауіпсіз жерге тоқтатып, демалу қажет.
