Қазақстандағы өткен саяси апта сайлауалды маусымның басты медиалық әрі пікірталас оқиғасымен есте қалды. Сайлау бюллетенінде төртінші нөмірмен өнер көрсеткен «Әділет» партиясының мазмұнды да сенімді мәлімдемесі сарапшылардың, кәсіби қауымдастық пен қалың жұртшылықтың басты назарында болды, деп хабарлайды SHYNDYK.KZ.
Партия 186 үміткер ұсынып, Мемлекет басшысының стратегиялық бағдары мен Әділетті Қазақстан тұжырымдамасының сенімді саяси тірегі болуға толық дайын екенін мәлімдеді. Үгіт-насихат марафонының қорытындысы да ауқымды: бір ай ішінде партия мүшелері барлық өңірде 21 мың іс-шара өткізіп, алты миллионға жуық қазақстандықпен жүзбе-жүз кездескен.
Бірінші кезеңде (раундта) «Әділет» төрағасы Айбек Дәдебай ел дамуының бағдарын халық айқындағанын және оның Жаңа Конституцияда бекітілгенін атап өтті. Партия бағдарламасының негізіне бес іргелі қағидат арқау болған: Әділдік, Патриотизм, Прогресс, Жауапкершілік және Еңбекқорлық. Партия жетекшісі 2031 жылға дейінгі нақты стратегиялық мақсаттарды атап көрсетті:
-
Жан басына шаққандағы тұрғын үй көлемін 30 шаршы метрге жеткізу;
-
1 миллион жаңа сапалы жұмыс орнын ашу;
-
Ауылдық аймақтарда тұратын 1 миллион адамның табысын арттыру;
-
Елді отандық азық-түлікпен 100 пайыз қамтамасыз етуге қол жеткізу;
-
5 миллион азаматты жасанды интеллектпен жұмыс істеудің қолданбалы дағдыларына үйрету.
Эфирдің шарықтау шегі көшбасшылар арасында тікелей пікірталас өрбіген екінші раунд болды. «Ақ жол» демократиялық партиясының төрайымы Дания Еспаева Айбек Дәдебайға: «Егер «Әділет» бизнеске салық жүктемесін арттырмауды көздесе, онда ауқымды әлеуметтік міндеттемелерді нақты қандай көздер есебінен қаржыландырмақ?» деген өткір сауал тастады.
«Әділет» партиясы жетекшісінің жауабы прагматизм мен экономиканы терең түсінудің үлгісіне айналды. Дәдебай партияның кәсіпкерлерге салық қысымын күшейтуге үзілді-кесілді қарсы екенін кесіп айтты: «Мықты әлеуметтік саясаттың қайнар көзі – экономика ауқымын сапалы түрде кеңейту болуы тиіс. Логика қарапайым: жұмыс істеп тұрған кәсіпорындар неғұрлым көп болса, жаңа жұмыс орындары соғұрлым көп ашылады, халықтың табысы өседі және салықты көбейтпестен бюджет түсімдері артады. Біздің мақсатымыз – қолжетімді қаржыландыру, өндіріс пен экспортты ынталандыру арқылы орта бизнестің ЖІӨ-дегі үлесін қазіргі 7%-дан 20%-ға дейін жеткізу».
Үшінші раундта спикер азаматтардың тікелей қойған сұрақтарына мүдірмей жауап берді. Бельгияда оқитын қазақстандық студент Әлімсері Махамбетұлының дарынды жастардың шетелге кетуіне қатысты сұрағына жауап бере отырып, Дәдебай елді жаңғырту, АЭС және дата-орталықтар салу үшін озық кадрлар қажеттігін алға тартты. Осы мақсатта партия жастар стартаптарына гранттар бөлуді, дипломдарды нострификациялауды жеңілдетуді және жасанды интеллект негізінде бос жұмыс орындарын іріктейтін ақылды жүйені ұсынатынын жеткізді. Ал Петропавлдан хабарласқан зейнеткерге берген жауабында партия жетекшісі шикізатқа тәуелділіктен арылу қажеттігін шегелеп айтты: шикізат (астық, металл) ел ішінде өңделіп, «Қазақстанда жасалған» брендімен қосымша құн мен жаңа жұмыс орындарын қалыптастыруы қажет.
Айбек Дәдебайдың қорытынды екі минуттық сөзі пікірсайыстың ең әсерлі түйіні болды. «Алтауы ала болса, ауыздағы кетеді, төртеуі түгел болса, төбедегі келеді» деген халық даналығы арқылы қоғамды ынтымаққа шақырған ол кемсітушіліктің кез келген түріне мүлдем төзбеушілік танытатынын, қазақ аналары мен қыздарының абыройын қатаң қорғайтынын және шынайы әділеттілік орнататынын мәлімдеді.
