Америка Құрама Штаттарының барлық аумағын үкіметке қарсы наразылық толқыны шарпыды: елдің барлық 50 штатында No Kings («Ешқандай патшалар») ортақ ұранымен жаппай митингілер өтті. шоғырландыруына қарсы шықты.
Ұйымдастырушылардың мәліметінше, наразылық акциялары ірі мегаполистерден бастап шағын қалаларға дейінгі 2 000-нан астам елді мекенді қамтыды. Әсіресе Нью-Йорк, Лос-Анджелес, Чикаго, Филадельфия және Атланта қалаларында өткен шерулер өте ауқымды болды. Белсенділер Ақ үй басшысын авторитаризмге бой алдырды деп айыптап, заң үстемдігі мен демократияны қорғауды талап еткен плакаттармен шықты.
Азаматтық белсенділіктің кезекті толқыны АҚШ Конгресіне өтетін аралық сайлау қарсаңында өршіп отыр. Қозғалыс өкілдері халықты сайлау науқанынан тыс қалмай, өз дауыс беру құқығын белсенді пайдалануға, соның ішінде мерзімінен бұрын дауыс беруге шақырды.
Бұқараның наразылығын әлеуметтік сауалнамалардың нәтижелері де растай түседі. The Washington Post басылымының ABC News және Ipsos бірлескен зерттеуіне сілтеме жасап хабарлауынша, америкалықтар арасында Дональд Трамптың қызметін мақұлдау деңгейі рекордтық 33%-ға дейін төмендеп кеткен.
