Тергеу мәліметтеріне сүйенсек, құмар ойыншылардан ақша қабылдау үшін төлем ұйымдары, банктік эквайринг, электронды әмияндар мен криптовалюта кеңінен пайдаланылған, деп хабарлайды SHYNDYK.KZ. Бұл заңсыз операциялар заңды букмекерлік және басқа да шаруашылық қызметтер ретінде бүркемеленіп келген.
Қылмыстық жолмен тапқан табыстарын заңдастыру үшін ұйымдастырушылар өздеріне бағынысты компанияны пайдаланған. Жалған келісімшарт арқылы оның шоттарына 10 миллиард теңге аударылып, кейін ол қаражат криптовалютаға айырбасталған. Осылайша күдіктілердің криптоәмияндарына жалпы көлемі 19 миллион USDT болатын цифрлық активтер аударылған.
Сот шешімімен күдіктілердің 1,4 миллиард теңге көлеміндегі мүлкіне, соның ішінде үш пәтер, алты автокөлік, сондай-ақ банк шоттарындағы ақшасы мен криптоактивтеріне тыйым салынды.
Қазіргі таңда үш күдікті қамауға алынды, тағы үшеуіне кепілгерлік тағайындалып, екеуі ешқайда кетпеу туралы қолхатпен босатылды. Қылмыстық іс сотқа жолданды.
