Мысал ретінде ол Yandex Go қосымшасындағы соңғы техникалық ақауды келтірді. Оның салдарынан жүргізушілер мен курьерлер тапсырыс қабылдау мүмкіндігінен уақытша айырылып қана қоймай, бұған дейін тапқан табыстарын шығарып алу кезінде де біраз қиындықтарға тап болған еді.
Депутат бүгінде интернет-платформалар арқылы миллионға жуық қазақстандық (956 мың адам) жұмыс істеп жатқанына Үкіметтің назарын аударды. Оның айтуынша, цифрлық алпауыттардың техникалық тұрақсыздығы қарапайым жұмыскерлердің қалтасына тікелей соққы болып тиеді және бұл мәселе біртіндеп экономикалық қауіпсіздік факторына айналып барады.
Осыған байланысты Атабаева операторларды қаражатты тез қайтару алгоритмдері мен зардап шеккен жұмыскерлерге арналған өтемақы бағдарламаларын әзірлеуге міндеттейтін, жаппай іркілістерге ден қоюдың қатаң жоспарын дайындауды ұсынды.
