90 келіден жоғары салмақ дәрежесінің финалында қазақстандық боксшы Өзбекстан өкілі Жахонгир Зокировпен кездесті. Төрешілер бірауыздан жеңісті Оралбайға берді — 5:0.
Бұл Қазақстан құрамасының бір күнде бокстан жеңіп алған екінші алтын медалі болды. Бұған дейін 70 келіге дейінгі салмақта Төрехан Сабырхан финалды 5:0 есебімен аяқтап, Азия ойындарының чемпионы атанған еді.
Айбек Оралбай — 2022 жылғы Азия чемпионы және Парижде өткен 2024 жылғы Олимпиада ойындарының қатысушысы. Енді оның жүлделер қатарына Азия ойындарының алтыны да қосылды.
