Энергетика министрлігі басшысының айтуынша, оған мемлекет төлейтін айлық табысы шамамен 1,2 миллион теңгені құрайды. Министр сонымен қатар елордадағы Highvill тұрғын үй кешенінде тұратынын айтты. Оның коммуналдық қызметтерге жұмсайтын ай сайынғы шығыны шамамен 73–75 мың теңгеге шығады.
Сонымен бірге, шенеунік бұл сомаға интернет пен бір көлік тұрағын жалға алу ақысы кірмейтінін нақтылады.
«Менің жалақым шамамен 1 млн 200 мың теңге көлемінде, оны маған мемлекет төлейді. Меніңше, есеп-қисапты өздеріңіз жасай аласыздар», — деді Ерлан Ақкенженов.
SHYNDYK.KZ редакциясы мемлекеттік қызметкерлердің жалақысын қалыптастыру тәртібі туралы ақпаратты нақтылау үшін ҚР Энергетика министрлігінің баспасөз қызметіне ресми сауалнама жолдады, жауап күтеміз.
😀
0
😍0
😢0
😡0
👍0
👎0
