Депутат егер жақында ғана еліміз жапон иенасымен миллиардтаған қарыз алған болса, қазір Үкіметтің қытай юаніне ауысқанына назар аударды. Ол ведомство басшылығынан мұндай мәмілелердің тиімділігі мен ықтимал валюталық тәуекелдерін түсіндіруді сұрады.
Сұраққа жауап берген Қаржы министрі Мәди Такиев қаржы нарықтарындағы жаңа жағдайды қазіргі геосаяси ахуалмен байланыстырды.
Оның айтуынша, жоғары мөлшерлемелерге байланысты доллар мен еуромен қарыз алу тиімсіз болып қалған. Жыл ортасына дейін Қазақстанды құтқарып келген жапон иенасы да Жапония Ұлттық банкі ақша-несие саясатын қатаңдатқаннан кейін айтарлықтай қымбаттап кетті.
Осындай жағдайда Үкімет үшін ең оңтайлы шешім қытай валютасы болды. Қаржы министрлігінің басшысы бұл сегмент тұрақты мөлшерлемелер мен паритеттік бағамның арқасында мемлекетті үлкен артық төлемдерден сақтайтынына сендірді.
Нақтырақ түсіндіру үшін Такиев мысал келтірді. Егер Үкімет дәл осы соманы ішкі нарықтан алуға шешім қабылдаса, қарызға қызмет көрсету бюджетке 400 миллиард теңгеден астам шығын әкелер еді. Ал юаньмен қарыз алу бұл қаржылық жүктемені небәрі 34 миллиард теңгеге дейін төмендетеді.
