Жиынның негізгі тақырыбы өңір мемлекеттері арасындағы ынтымақтастықты дамытудағы партияаралық байланыстың рөліне арналды. Талқылауға Қазақстан, Өзбекстан, Қырғызстан, Тәжікстан, Түрікменстан және Қытайдың саяси ұйымдарының өкілдері қатысты.
Кездесу аясында Орталық Азия симпозиумы да ұйымдастырылды. Қатысушылар ҚХР Төрағасы Си Цзиньпиннің жаңа дәуірдегі қытайлық ерекшелігі бар социализм туралы идеяларын және Қытайдың партиялық басқару тәсілдерін талқылады.
Диалог Орталық Азия елдері мен Қытайдың саяси партияларына алдағы ынтымақтастықты кеңейту және партияаралық байланыстарды дамыту мәселелері бойынша пікір алмасуға мүмкіндік берді.
