SHYNDYK.KZ хабарлағандай, тәжік көшбасшысының сапары ерекше құрмет көрсету бағдарламасымен өтті. Эмомали Рахмонның келу құрметіне Ақорда резиденциясының үстінен Қазақстанның Әуе қорғанысы күштерінің тікұшақтары екі елдің мемлекеттік туларын желбіретіп, көрнекі ұшуды орындады.
Салтанатты рәсім барысында Қасым-Жомарт Тоқаев пен Эмомали Рахмон бір-біріне ресми делегация мүшелерін таныстырды. Құрмет қарауылы ротасының бастығы сәлемдесу рапортын бергеннен кейін, президенттік оркестр Қазақстан мен Тәжікстанның мемлекеттік әнұрандарын орындады.
Резиденция алаңындағы салтанатты бөлім аяқтала сала, мемлекет басшылары жоғары деңгейдегі екіжақты келіссөздер жүргізу үшін залға бағыт алды.
😀
0
😍0
😢0
😡0
👍0
👎0
