Жол-көлік оқиғасы 2 қараша күні сағат 16:55-те Ақтау теңіз портына апаратын кірме теміржолдағы реттелмейтін өткелде болған.
«Қазақстан темір жолы» ұлттық компаниясының мәліметінше, МАЗ жүк көлігінің жүргізушісі жақындап келе жатқан тепловозға жол бермеген. Соның салдарынан екі көлік соқтығысқан.
Абырой болғанда, оқиға салдарынан ешкім қаза таппаған және зардап шекпеген. Алайда тепловозға айтарлықтай зақым келген.
Апат туралы көлік полициясына хабар берілді. Алдын ала мәлімет бойынша, жол-көлік оқиғасына жүк көлігі жүргізушісінің жол қозғалысы ережелерін бұзуы себеп болған.
Оқиғаның мән-жайы анықталып жатыр.
😀
0
😍0
😢0
😡0
👍0
👎0
