Оқиға 30 тамызда сағат 22:56 шамасында 5А шағынауданы маңында болған. Катердің бортында жеті адам болған.
Құтқару жұмыстары барысында бес адам жағаға шығарылып, медицина қызметкерлеріне тапсырылды. Алдын ала мәлімет бойынша, қаза болған екі адамның құтқару кеудешесі болмаған. Олардың денелері жағадан шамамен 500 метр жерден судан табылды.
Іздеу-құтқару жұмыстарына ТЖД-ның 35 қызметкері, төрт техникасы және төрт жүзу құралы жұмылдырылды. Сонымен қатар полиция қызметкерлері, Апаттар медицинасы орталығының мамандары және жедел жәрдемнің бес бригадасы қатысты.
Қазіргі таңда катердің жартасқа соғылу себептері анықталып жатыр.
