КТК телеарнасына сілтеме жасап хабарлағандай, төрт баланың екеуі кісі өлтірді деп күдікке ілінген ер адамнан туған. Қайғылы оқиғадан кейін кәмелетке толмаған екі бала уақытша «Үміт» мамандандырылған сәбилер үйіне орналастырылды. Қалған екі баланың тағдыры әзірге белгісіз, ресми ақпарат берілген жоқ.
Ақтөбе облысының балалар құқықтарын қорғау басқармасы бұл жағдай ведомство мен құзыретті органдардың қатаң бақылауында екенін мәлімдеді.
Еске сала кетейік, жантүршігерлік қылмыс 3 қарашада АХАЖ (ЗАГС) ғимаратында болған. Күдікті оқиға орнында ұсталып, уақытша ұстау изоляторына қамалды. Кісі өлтіру дерегі бойынша қылмыстық іс қозғалды.
😀
0
😍0
😢0
😡0
👍0
👎0
