БАҚ мәліметінше, жолда көлік кептелісі пайда болған. Жол талғамайтын көліктің жүргізушісі кептелісті айналып өтпек болып, жеңіл автокөлікпен соқтығысқан. Соққыдан кейін көлігі тротуарға шығып кетіп, сол жерде тұрған төрт жасөспірімді қаққан.
Оқиға салдарынан екі жасөспірім жарақат алып, қатты шошынған.
Жол апатынан кейін жүргізуші оқиға орнынан кетіп қалған. Алайда полицейлер оны көп ұзамай ұстады.
Полицияның хабарлауынша, аталған дерек бойынша қылмыстық іс қозғалған.
«Тергеу аясында алғашқы қажетті процестік шаралар жүргізілді. Жүргізуші ұсталып, уақытша ұстау изоляторына қамалды», – деп мәлімдеді полиция.
Қазір сотқа дейінгі тергеу жүріп жатыр. Құқық қорғау органдары жол апатының барлық мән-жайын анықтап, іс бойынша тиісті процестік шешім қабылдайды.
