Астана аспанында бірнеше сағат бойы қозғалыссыз тұрған белгісіз ұшатын нысан (БҰҰ) қайта пайда болды. Елорда тұрғындары Ботаникалық бақ маңында түсірілген ерекше құбылыстың видеосымен SHYNDYK.KZ редакциясымен бөлісті.
Куәгерлердің айтуынша, жұмбақ нысан кешкі сағат 20:00 мен 21:00 шамасында байқалған. Видеокадрлардан ғарыш кемесіне ұқсайтын сұлбаны көруге болады, тіпті кейбір тұрғындар оның төменгі бөлігін де анық байқағанын айтады. Алайда қашықтық тым алыс болғандықтан, нысанның нақты пішінін дөп басып айту мүмкін емес. Бастапқыда ол қозғалып бара жатқандай көрінгенімен, кейінірек бір орында тұрып қалғаны белгілі болды. Жұрттың сөзінше, нысан осы қалпында бірнеше сағат тұрған.
Бұл тосын құбылыс жатғаламшарлықтармен байланысқа түсе аламыз деп есептейтін ченнелерлердің де назарын аударды. Желідегі видеоларды зерттеген олар бұл нысан жерге “энергия жинау” мақсатындағы зерттеу миссиясымен келген болуы мүмкін деген болжам айтты.
Айта кетейік, бас қала аспанында мұндай жағдай бірінші рет болып тұрған жоқ. Астаналықтар дәл осындай жұмбақ нысандарды 2025 жылдың 6-7 және 10-11 қазан күндері де байқаған болатын. Десе де, бұл құбылыстың нақты не екені және қандай мақсатпен жүргені ресми түрде расталмады, ал жатғаламшарлықтар туралы болжамдардың ешқандай ғылыми негізі жоқ.
