Астанада түнде Кеншілер көшесіндегі барак үлгісіндегі тұрғын үйде ірі өрт шықты. Елордалық ТЖД мәліметінше, жалын шатырды, төбе жабындары мен ішкі бөлмелерді шарпыған. Құтқарушылар оттың көрші ғимараттарға таралуына жол бермегенімен, үйдің іші түгі қалмай жанып кеткен. Құрбандар жоқ, бірақ отбасы жалғыз баспанасынан айырылды.
SHYNDYK.KZ редакциясы өртенген үйдің иесі Құралай Жақыповамен хабарласты. Оқиға салдарынан жеті адам: Құралай мен жұбайы, ұлы мен келіні, немересі, жүкті қызы және қамқорлығындағы жиені далада қалған.
Жағдайды отбасының қаржылық қиындығы одан сайын ушықтырып тұр. Әйелдің айтуынша, күйеуі жақында жұмыс істеген компаниясының жабылуына байланысты қысқартуға ұшыраған. Аспаз болып істейтін Құралайдың өзі баспанасынан айырылғандықтан уақытша жұмысқа шыға алмай отыр. Қазіргі уақытта зардап шеккендерді көрші тұратын туыстары паналатқан. Орын жетіспеушілігінен 13 адам бір кішкентай бөлмеде тұруға мәжбүр.
Отбасы қайырымды жандардан қаржылай көмек сұрайды.
Көмек көрсету үшін шот: Kaspi: 8 708 342 43 46 (Алушы: Құралай Ж.)
