Астанада такси жүргізушісі сапар барысында жолаушы қызға интимдік сипаттағы ұсыныстарды қайта-қайта айтып, тиіскені үшін 10 тәулікке әкімшілік қамауға алынды.
Құқық қорғау органдары ер адамның бұл әрекетін ұсақ бұзақылық ретінде саралады. Қолданыстағы заңнамаға сәйкес, аталған баптың санкциясы 86 500 теңге көлемінде айыппұл төлеуді немесе 15 тәулікке дейінгі мерзімге әкімшілік қамауға алу жазасын қарастырады.
Іс материалдарын қараған әкімшілік құқық бұзушылықтар жөніндегі мамандандырылған ауданаралық сот жүргізушіні кінәлі деп тауып, құқық бұзушыны 10 тәулікке қоғамнан оқшаулау туралы үкім шығарды.
