Алдын ала мәлімет бойынша, оқиғаға автокөліктің электронды жүйесіндегі ақау себеп болған. Көлік ішіндегі екі адаммен бірге суға түскен.
Жүргізуші мен жолаушы салоннан өздері шығып үлгерді. Оларға медициналық көмек қажет болмаған. Ал автокөлік өзенде қалып қойған.
Оқиға орнына ТЖМ жедел-құтқару жасағы келді. Алдымен сүңгуірлер су астындағы көлікті тексеріп, оның орналасуын анықтады. Кейін құтқарушылар автомобильді бекітіп, кранның көмегімен жағаға шығарды.
Көлік иесі жедел көмек көрсеткен құтқарушыларға алғысын білдірді.
