Лепсібаев 2023 жылдың қаңтарынан бері партияда атқарған жұмысының қорытындысын жариялады. Оның айтуынша, осы уақыт ішінде команда мәслихат сайлауына қатысып, елдегі тариф мәселелерімен және экологиялық проблемалармен айналысқан. Сондай-ақ бірқатар құрылыс және өнеркәсіп жобаларына қарсы бастамалар көтерген.
Ол негізгі бағыттардың қатарында ағаштардың кесілуіне қарсы күресті, Қарағандыдағы Орталық саябақта көпқабатты үйлер салу мәселесін, Балқаштағы қорғасын зауыттарының қызметін және АЭС құрылысына қатысты мәселелерді атады.
Алайда Лепсібаев команданың мүмкіндігі қазіргі жұмыс форматы аясында толық жүзеге аспағанын мәлімдеді.
«Өңірлер атқарған ауқымды жұмысқа қарамастан, осы жұмыс форматында біздің әлеуетіміз толық жүзеге аспады», – деді ол.
Лепсібаевтың айтуынша, партиядан кету туралы шешім қабылдау оңай болмаған. Ол ұйымда ұзақ уақыт бойы өзгеріс болады деп күткенін жеткізді.
Партия төрағасының орынбасары алдағы жоспары туралы әзірге толық мәлімет берген жоқ. Ол жаңа жобаны қолға алғанын айтып, оның егжей-тегжейін жақын күндері жариялауға уәде берді.
