Бұрынғы депутат Бақытжан Базарбек қатысқан жол-көлік оқиғасында зардап шеккен 36 жастағы Нұржігіт Қошанов стационардағы емін аяқтады. Базарбек оның ауруханадан шыққан сәтінің видеосын Stories бөлімінде жариялады.
Бұрынғы депутаттың айтуынша, ер адам жол апатынан кейін ауруханада 31 күн жатқан.
Еске салайық, жол-көлік оқиғасы 2026 жылғы 15 тамызда Жамбыл облысындағы тасжолда болған. Базарбек басқарған көлік жаяу жүргіншіні қағып кеткен. Зардап шеккен азамат ауруханаға жеткізіліп, апат дерегі бойынша қылмыстық іс қозғалды.
Кейін Базарбек Қошановтың туыстарымен бірге видео жариялады. Зардап шеккен азаматтың әпкесі бұрынғы депутаттың отбасымен байланыста екенін және бауырының еміне көмектесіп жүргенін айтты.
Базарбек зардап шеккен азаматқа медициналық көмек көрсеткен мамандарға да алғыс білдіріп, жол апатына қатысты жалған ақпарат таратпауға шақырды.
