Қазақстандық спортшылар велоспорттан екі алтын медаль иеленді. Рината Сұлтанова мен Алексей Луценко Азия ойындарының чемпионы атанды.
Тағы екі алтынды каратэшілер жеңіп алды. Ерлер арасында Жоламан Биғабыл топ жарса, әйелдер бәсекесінде Софья Берульцева жеңіске жетті.
Триатлоннан Арлан Жанабай қола медаль иеленді. Қазіргі бессайыстан Темірлан Әбдірайымов, Тихон Варехин және Лев Чувашовтан құралған Қазақстан ерлер құрамасы үшінші орын алды.
Алғашқы жарыс күнінің қорытындысы бойынша Қазақстан медальдар кестесінде төртінші орынға жайғасты. Алғашқы үштікте Қытай, Жапония және Оңтүстік Корея құрамалары тұр.
