Жол апаттары 10 қараша күні таңертең Болгарияның оңтүстік-шығысындағы Ямбол қаласының маңында болған. Апатқа 86 көлік, соның ішінде ондаған жүк көлігі ұшыраған.
Алдын ала болжам бойынша, қалың тұман салдарынан жолдағы көріну қашықтығы күрт төмендеп, көліктер бірінен соң бірі соқтығысқан.
Жергілікті уақыт бойынша сағат 07:00 шамасында ел астанасы Софияны Қара теңіз жағалауындағы Бургас қаласымен байланыстыратын «Фракия» тасжолында көлік қозғалысы толық тоқтаған. Апаттан кейін жол екі бағытта да жабылды.
Болгарияның денсаулық сақтау министрі Катя Ивкованың мәліметінше, он адам оқиға орнында көз жұмған. Тағы екі адам ауруханаға жеткізу кезінде қайтыс болған.
Зардап шеккендер Сливен, Ямбол және Бургас қалаларындағы ауруханаларға жеткізілді. Жарақат алғандардың нақты саны мен олардың жағдайы әзірге белгісіз.
Қазір жаппай жол апатының мән-жайы анықталып жатыр.
