Расмуссен бұл туралы Астанада Қазақстанның сыртқы істер министрі Мұхтар Тілеубердімен кездескеннен кейін журналистерге айтты. Ол аталған мәселені келіссөз барысында тікелей көтергенін растады.
Қазақстанның Сыртқы істер министрлігі ресми хабарламасында Украина мәселесінің талқыланғанын атамады. Ведомствоның мәліметінше, министрлер халықаралық және өңірлік күн тәртібін, сондай-ақ екіжақты қатынастарды нығайту мәселелерін талқылаған.
Тараптар сауда, инвестиция және экономикалық ынтымақтастыққа ерекше назар аударды. Дания Қазақстанмен және Орталық Азия елдерімен өзара іс-қимылды кеңейтуге мүдделі екенін білдірді.
Кездесуде Данияның Қазақстандағы жаңа елшісі Ларс Туесеннің жұмысы да сөз болды. Ол сонымен қатар Дания Сыртқы істер министрлігінің Орталық Азия жөніндегі арнайы өкілі болып тағайындалған.
Украинадағы соғыс жағдайында Астана Мәскеумен де, Еуропа мемлекеттерімен де жұмыс байланыстарын сақтап келеді. Қазақстан халықаралық қақтығыстарды дипломатиялық жолмен реттеуді және БҰҰ Жарғысының қағидаттарын қолдайтынын бірнеше рет мәлімдеген.
