Шешуші белдесуде Кондо екі рет «юко» ұпайын алып, 2:0 есебімен жеңіске жетті.
Сметов финалға дейін үш қарсыласын жеңді. Ол 1/8 финалда Оңтүстік Корея өкілі Ли Ха Римнен басым түссе, ширек финалда моңғолиялық Ариунболд Энхтайванды жеңді. Ал жартылай финалда Қытай Тайбэйінің өкілі Ян Юн Вэйден басым түсті.
Елдос Сметов — Париж-2024 Олимпиадасының чемпионы. Сондай-ақ оның еншісінде 2016 жылғы Олимпиаданың күміс және 2020 жылғы Олимпиаданың қола жүлдесі бар. Ол әлем және Азия чемпионы, 2014 жылғы Азия ойындарының жеңімпазы.
Бұған дейін қазақстандық дзюдошы Әбиба Әбужақынова да Азиада-2026 ойындарының күміс жүлдесін иеленді. Ол финалда жапониялық Мицуки Кондоға иппонмен есе жіберді. Мицуки — Елдос Сметовпен финалда белдескен Хаято Кондоның қарындасы.
